قصة مؤثرة جداا >> الرجال مالهم امان

عدد المساهمات : 105 تاريخ التسجيل : 22/06/2009

هذه قصة مؤثر و حزينه جداً صيغت في صورة قصيدة
أتمنى أن تنال رضاكم

و هي قصه طويله و اختصارها ،،
ان امراه كانت متزوجه و تزوج عليها زوجها دون ان تدري و جاها بالبيت و قاله ابيج
تروحين معاي للسوق تشترين كل شي بخاطرج و يعجبج
المهم الحرمه المسكينه شرت كل شي حلوو عجبها من مكياج وملابس
و لما جوو البيت
قالها زوجها وين الاغراض اللى شريتيها
قالت له ليش قال الاغراض مو لج للمره الجديده و كنت ابيج تشترين الاغراض بنفسج
لانى انا ما اعرف اذواق الحريم وانتى اكيد ذوقك حلوو
الحرمه كادت تموت من القهر
و طاحت بالمستشفى وخمس سنين وهي بالمستشفى في غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..في
احد زارنى قالولها لا محد زارج
نظمت هذه القصيده

تكفيـن يـا طيـور الـحـرار افزعيـلـي
ابـي عـن ديـار الاهــل مـنـك اخـبـار
تكفـيـن حـومـي فوقـهـم وارجعـيـلـي
وإلا ان حصل لك حومه داخـل الـدار
تكـفـيـن حـــول بيـوتـهـم دوريــلــي
سبعـة فــروخ يــوم اخليـهـم صـغـار
شوفي ضنـاي وعـودي وانكفـى لـي
واشلونهـم يــا علـهـم صــارو كـبـار
نسـوا دفــاي ونومـهـم فــى شليـلـي
وش علمهم يا علهم بطـول الاعمـار
قـولـي لـهـم ان امـكـم لـــه عـويـلـي
خمـسـه سنـيـن دمعـهـا دوم مــدرار
وقولـي لهـم إنـي علـى طــول ليـلـي
أنــوح ولـيـا قــرب الصـبـح أنـهــار
وقـولـي عيـونـي دايـمـا لــه هميـلـي
تبكـي ليـا شافـت مــن الـنـاس زوار
كـل يـوم اقـول غـدى حديهـم يجينـي
راحـت سنينـي مابهـم واحـد(ن) زار
وانا اللي مـن سبـت سـوات الحليلـي
حـالـي تـــردة كـــل مـالــه وتـنـهـار
وفرقـا ضنـاي الـلـي تــردت بحيـلـي
كني على شوفتهـم اصلـى علـى نـار
يـاويـلـي كـــان الله عـجــل رحـيـلـي
وانـا لـي سنيـن ابـي لـوهـي اخـبـار
ياعـونـة الله مــن يـبـي يرتـكـي لــي
جـارت علـي بـأمـر الله كــل الأقــدار
تـنـكـروا مـــن يـدخـلـون الـدخـيـلـي
واللـي بوسـط ديارهـم يـامـن الـجـار
قـولـي لـهـم ياطـيـور قلـبـي عليـلـي
الله يكافـي قلوبـهـم صــارت احـجـار
وانـا اللـي لبـراق الخيـال استحيـلـي
وقـــول يـاعــل ديـرتـهـم لـلأمـطــار
تكفـيـن وســـط ديـارهــم صوتـيـلـي
شوفي عسى لأسمي مع الناس تذكار
وقـولـي لـمـن نسيـانـهـم يستحـيـلـي
ياللـي نسيتوهـا تــرى الـوقـت دوار
ياهـيـه يالـلـي بالسـمـا لــك هـديـلـي
ردي خـبـر تكـفـيـن يـكـفـي امـــرار
شوفي هاك اللـي نومهـم فـي شليلـي
مـن اذان المـغـرب لـوقـت الأسـحـار
شوفي هاك اللي ماتهنـى فـي مقيلـي
إلا مـقـيـل مـعـهـم كـبــار وصــغــار
وقولـي لهـم ان كــان حمـلـي ثقيـلـي
مـره يجـون وعقبـهـا شــي مـاصـار
وانــا يـتـولانـي كـريــم(ن) جلـيـلـي
ياعلـنـي فــي جـنّـة وســط الأبـــرار

وسلامتكم

::

» قد يعتقد بعض الرجال أنهم أذكياء